Rajabala Constituency ni ning∙o donggipa Diganggre songo re∙anggipa January 1 tariko nok ge∙sako wa∙al kamamko man·e duko ga∙ake dongenggipa nokdangni manderangna Phulbari GSU dolrang tangka paisarangko on∙gilaniko dake dakchakniko on∙angaha. Phulbari GSU ni Secretary Pangsrang Sangma ni aganani gitade wak be∙en ripoaoni mittimrang tingtotdape indakgipa a∙selona sokaha ine ma∙sina man∙aha.
Ia obosta walni 1 bajirango a∙bachengaha aro chroke an∙saoani somoi ong∙ani gimin nokoni jikgipa saksasan ong∙e wa∙alko somoigita kimitna man∙jaha. Bon∙kame duko ga∙akenggipa nokdangna Phulbari GSU wilwilao dongenggipa gipin NGO rang baksa ku∙monge dakchakaniko man∙agita on∙gilpachina mol∙molaniko dakangaha. Una agreba Block ni Gram Sevak koba ia obosta ong∙ani bidingo sing·sandianiko dakechinagitaba mol∙molatan baksana block nigita dakchake on∙pachina mol∙molangjolaha.
