Da∙al salni bako me·asa robol kal∙nasigipa dolrang dam sni a∙jarangoni Tura ona sokbaaha. Garo Hills a∙jarangoni dol gni kal∙gipa dolrang aro Khasi Hills oni dol bonga kal∙gipa dolrang sokbae uamangna dongchakram biaprangko tarisamsoaniko dakangaha.
Kal∙gipa dolrang skanggipa ISBT ona re∙bae report ka∙e uamangni ID aro gipin lekka pancha rangko mesokaniko dakangaha. Reception aro Accreditation dolrang kal∙gipa dolrangni lekka pancharangko name nianiko dake re∙a doani aro dongchakani biaprangkoba mesokdilanggen ine u·iatangaha.
Dolni dilenggiparang baksa kal∙gipa dolrang sokbaani bakan an∙tangtangni nanggni kamrangko dakchengna nanggen ine u∙iatangaha. Apsan daken knal pringni bonga bajio robol kal∙gipa me∙chik dolrang sokbaskagen. Uandaken 13, 14 aro 15 tarikoba Meghalaya Games 2024 o kal∙nasigiparangko rimchaksoaniko dakangkugen ine parakataha.
