South Garo Hills a·jao koelarangko chimonge donengkugiparangko je biapona salangna nangenga, January 31, 2024 tarikni gisepo matchote salangchinagita jako ra·enggipa manderangko a·jani Deputy Commissioner ge·etaniko dakataha. Ia ge·etaniara batanggimin January 5, 2024 tariko a·jani DC, Justice Katakey baksa video conference o golpogrike chanchirimani ja·mano ge·etaniko man·e koelarangko ta·rakkale salangchinagita ge·etanio janapataha.
Chimonge donenggipa koelarangko je biapona salangna nangengachim ua biapona on·gimin somoini gisepo salangjagenchimode koelarangko sorkari ra·seke jako ra·angskagen ine janapataha. Una agreba je koelarangko biapo man·rikaha uarangko sorkari jako ra·e Coal India Limited (CIL) nigita salanggen aro koelani nokgipa maming tangka paisarangko man·ani dongjawa ineba u·iatangaha.
