Batanggimin salrango adita manderangni ra·chakna man·gijani aro neng·nikanirangko chagrongani a·selo, changgipa sapgipa u·ima·sigipa dilgiparangni dilanichi Winter Capital aro kamrangko a·kange rakkiani bidingo ja·ku de·e kamko ka·angaha aro indakgipa ja·ku de·ani bidingo chanchirimaniko daktaie gitalgipa Non-profitable Organisation ba tangka paisana dakaigipa ong·gija ” A·CHIK STATE PEOPLES FRONT” (ASPF) ine biming done dolko bikotaiaha. Ia dolara jatko ra·dona aro jatni neng·nikanirangko jekai jatni chu·gimik bil, man·a nanggnirang, kakket bichalona ra·bana, songsalo neng·nikanirang, niamgri tangka paisako jakkalsretaniko bon·atna aro A·chik jatni daka rikanirangko ripingnagita miksonge kam ka·anggen ine parakataha.
Ia dolko gitcham MCS Laben Ch. Marak, Advocate Bernita R. Marak aro gipin dilgiparang baksa jako ra·e kam ka·anggen ine ku·rongdik-na u·iataha. Ia gitalgipa dolara Gandhian Principle’s of Non-Violence ko ja·rike dakgrik dinggrikgija an·chi pari nikatgija jatna on·kange dontonggija kamko ka·e nisanona sokna gita miksonganian ong·a ine Bernita Marak aganaha. Una agreba jatni chu·gimik bilna aro ku·rang on·agita a·dokni ning·o aro a·palo donggipa pilak A·chik jatrang baksa bakrime jatni dakbewal rikbewalrangko ripinge kam ka·angnagita miksonganiko u·iatangaha.
ASPF dol gital ong·katgipa ong·genchimoba ia dolko gipin bakrango jekai Tura, Williamnagar, Gambegre, Tikrikilla, Raksamgre, Phulbari, Rongram, Kherapara, Rajabala, Garobadha, Nongal, Ampati, Rongjeng aro Assam a·dokrangoba songe jako ra·e kam ka·nagita chu·gimik tarisamsoaha aro re·baenggipa salrango adita bakrango ra·chakaniko dakanggen ine Laben Marak u·iatangaha.
