A·songni President ni West Garo Hills a·jani Tura songjinmaona January 15 tariko re·baani somoio a·jani Deputy Commissioner Jagdish Chelani, songdongenggipa manderangna Tura songjinmani rama a·samrango January ni 15 tarikni pring 6 bajioni 16 tarikni 12 baji mangona garirangko dona man·jawa ine u·iataha.
Indake rama a·samo garirangko dona beng·aniara a·songni President Droupadi Murmu ni Turaona 5 gipa Meghalaya Games ko oprakna re·baani somoio garirang name re·na man·agita aro President na security koba name on·a man·agita miksonge dakenga ine a·jani Deputy Commissioner aganan baksana dongimin niamrangko apsan ku·cholsan ong·e ja·rikpachinagita a·jani manderangkoba mol·molangaha.