WGH, Kalchengpara songo adita niamgri teer counter rangko chalaienggipa manderangni kosako nirok simsakatchinagita Selsella ni FKJGP aro ASWA dolrang a·jani Deputy Commissioner na da·al salni bako chitti see u·iatangaha.
Uamangni chittio janapatanigitade, Kalchengpara songo niamni a·palo licence rang donggija teer counter rangko chalaienga aro ian sorkarini dongimin niamrangko pe·ani ong·an baksana mikkangchi manderangna namgijaniko ra·baani ong·gen ine u·iatangaha. Unbaksana indake niamni a·palo kam ka·enggiparangko ta∙raken niroksandianiko dake sorkarini dongimin niamrango pangchake kakket bichalona ra·bae on·chinagitaba DC o mol·molaniko dakangaha.
