Da·al salni bako Meghalaya Games 2024, Tura Chandmari kal·chakram biapo bilsi 18 ni ning∙o ong∙gipa me·asa dolrangni robol kal·susaanio, East Jaintia Hills aro Eastern West Khasi Hills ni gisepgriko bil·tinggrike kal·susaangaha.
Skanggipa neng·takani somoi ong·na skang, dolgni an bil∙tinggrike kal∙e goal sa koba chipgrikna man∙jaha. Kal·ani chu·gimik somoio, East Jaintia Hills na Jerios Kyndait goal 1 ko chipe doltangko cheatnagita man·angaha.
