Kharkutta block-ni ning∙o donggipa Rongbu songo mande saksako ma∙sina man∙gijagipa manderang so∙ote galangaha ine koborna parakataha. Songni manderangni agananigitade ia a∙sel ong∙gipa biapo batanggimin sal somoirangoba indakgipa a·sel ong·anirangko niknagita man·ronga ine u∙iatangaha
Uamangni agananigitade, so∙ote galanggipa manderang dakait dakgipa ba tangka paisarangko ra∙seke ra∙gipa manderang ong∙a ine chanchichipani gnang ine u∙iatangaha. Ia a∙selni chu∙gimik ja∙pangko name dake ma∙sina man∙kujaenga ineba uamang u∙iatjolangaha.
