Tura songjinmao skanggipa changna 5 gipa Meghalaya Games ni kal∙susaanio a∙dokni dingtang dingtang a∙jarangoni bakko ra∙e saksa sakgipin baksa bil∙tinggrike susaaniko dakangtokaha. Ia skanggipa salo kal·susaani a∙bao bang·a chadamberang bakko ra∙e uamangni changa sapaniko dakmesoke, nisoenggipa manderangna susagrikaniko mesokangtokaha.
Meghalaya Games ko a∙chengatna Shillong songjinmaoni bilcham so∙e ra∙bagipako mijal salni bako sokatbae, a∙songni President ni jakchi ia manianiko P A Sangma Sports Complex o oprake on∙angjolaha. Ia manianio a∙dokni jatgittam Khasi, Garo aro Jaintia ni chrokmesokanikoba nikangnagita man∙angaha. Unbaksana jatni dingtang dingtang kal∙susaanirangkoba dakmesokangan baksana Olympic ni adita kal∙anirang jekai Football, Badminton, Softball, Archery, Golf aro Wrestling rango kal∙susagiparang bakko ra∙e kal∙angtokaha. Una agreba da·al salni bako Swimming, Taekwondo, Boxing, Wushu, Basketball aro Judo rangkoba kal·aniko dakangenga.
