Slai gosusaaniko da∙al salni bako 2nd Battalion, Goeragre o a∙bachengate a∙dokni dam 12 a∙jarangoni sak 53 susanagiparang bakko ra∙angtokenga. Ia slai gosusaaniko bak 13 ona dake Short Range ba sepangoniko gosusae aro Long Range ba chel∙aoniko gosusaaniko ong∙atenga.
Sepangoni gosusaani 10 meters Air Rifle aro 10 meters Air Pistol ong∙a jekon me∙a aro me∙chik rang sakprakprak susaaniko dakanggen. Apsandaken chel∙aoniko gosusaaniko 25 meters Standard Pistol (me∙asarang sakprakprak susaanggen), 25 meters Sports Pistol (me∙chikrang sakprakprak susaanggen), 50 meters Men Pistol, 50 meters Rifle Prone, 50 meters Open Sight (me∙a aro me∙chikrang susagrikna man∙gen) aro 10 meters Mixed Team (jeon me∙a aro me∙chik apsan bakrime susanagita man∙gen) ong∙a.
