Re·baenggipa January 24 aro 25 tariko South Garo Hills a·jani Baghmara, Simsang chibimani rikamo bilsiantin ong·rongbaengagita apsan daken “Tyisam Festival” jekon Chisamo Festivalko changsatai ong·atnagita sakantinan namgipa koborko parakataha.
Ia festival o dingtang dingtang susaanirang jekai bijak song·susaani, git ring·susaani, chroksusaani, jatni bil tosusaani, Beach Volleyball, pul bibalrangko mesoksusaani aro jatni chroksusaanirangkoba ong·atangenga. Una agreba manderangko doke dame git ring·mesoke an·saoatnagita adita mingsinggipa dolrang jekai Rough Road, Nokpante, Enosh, Ahowee aro gipin dolrang sokbae dingtangmancha an·saoatanggen.
