West Garo Hills a∙jani Chidaogre songo saksa sko tik ong∙gijagipa depante jean bilsi 25 ong∙gipa Sengjon Ch. Sangma, an∙tangni ma∙gipako babilsio kam ka∙engmiting somoio attechi sko sote so∙otaha. Ua mande ma∙gipani skoko rasotenba bagantangona ra∙ange gale doneaha ine koborna parakataha. Sianggipa mandeni bimungko Dijak Ch Sangma, bilsi 45 jean Jasin R Marak ni jikgipa ong∙aha ine u∙inagita man∙aha.
Sianggipani depante gisiknigita bilgripa ong∙ani gimin batanggimin salrangoba pagipani kosako apsan dakgipa kamrangko ka∙angna jotton ka∙anirangba dongaha ine songni manderang Ku∙rongdik kobor ra∙timgipana parakataha.
