Da·al salni bako PA Sangma Stadium o, me·chik dolrangni semi-final robol kal·susaanio EKH aro Ri-Bhoi dolrang final kal·nagita sokdoangaha. Skanggipa dolo Ri-Bhoi aro Eastern West Khasi Hills dolrangni gisepgriko kal·angaha jeon EWKH dolko Ri-Bhoi dolrang amataha. Ri-Bhoi ni Imaia Shylla goal 4 ko chipaha aro Rimika Khongkal goal 1 ko doltangna chipe chu·gimik goal 5 ko man·aha. Eastern West Khasi Hills dolna Rympeibasuk Syiemieh goal 1 mangmangko chipe on·agita man·aiaha.
Ge·gipin dolrangni semi–final kal·anio, East Khasi Hills dolrang, South West Khasi Hills dolrangko amatskaaha. East Khasi Hills doloni Inrilaidor Khongthaw goal 2 ko chipnagita man·aha aro Bokamao Melaribha Lyngdoh, Ibashembha Khongsit aro Ideibanrishisha Kharpan goal prakko chipna man·anichi, South West Khasi Hills dolrangko chu·gimik goal 4 chi amate final ona sokdoangaha.
