Meghalaya Games 2024 | Wa∙pong Sika kal∙susaanio Pangrak R. Marak Gold ko chea

A∙dokni dingtang dintang a∙jarangoni A∙chik rangni kal∙susaani Wa∙pong Sikaniko da∙al salo bon∙kame bak ra∙e bil∙tinggrike susagrikaniko niknagita man∙angaha. Ia susaanio Garo Hills ni Pangrak R. Marak skanggipa biapko man∙e Gold medal ko cheangaha. Gnigipa aro gittamgipa biapko West Jaintia Hills District Sports Association (WJDSA) ni Lambai Challam aro Lambhamiki Passah man∙angskae Silver aro Bronze medalrangko man∙angaha.