A·songni bang·a bakrangoni Viksit Bharat Sankalp Yatra (VBSY) ni gita sak hajalni hajal namgniko man·enggiparang bakko ra·e da·al salo Prime Minister Narendra Modi baksa video conferencing o agan-golpogrikaniko dakangaha. Ia tom·anio Union Minister, MP rang, MLA rang aro jolni palo seokako man·giparangba dongpae bakko ra·angaha.
Prime Minister baksa Ri Bhoi a·jani Silme Marak golpogrikangaha jeon uni bimchipe kam ka∙aniko namnike ra∙song chae PM Modi aganangaha aro jakpa dokanichi mande ra∙aniko on∙aha. Iasan ong∙aigija PM uko sorkarini scheme rangni namgniko manderangona sokatna dakchakanina aro songsaro kim∙kime kam ka∙anina bigita dakgipa manderangan PM Modi ni kamko altuata ine demittelangaha.
Silme Marak ni janggi tangani, chongipa dokan dakaoni dontonge Self Help Group o napani ja∙mano dingtanganiko man∙aha. Ua da∙o an∙tangni jolni me·chikmarangko Self Help Group o bimungrangko segatnagita dakchakenga jeon ua da·o dipet dol 50 na bate SHG rangko bikotna dakdile on∙aha. Marak PM Kisan Samman Nidhi, BIMA aro gipin scheme rango namgniko ra·enggipa saksa ong·a. Ua da∙o an·tangni block o Customer service point ko chalaian baksana uni bikotgipa dolrang bolam biterangoniko cha·ani ringanirangko tarigipa aro bakery koba chalaienga.
