Da·al salni bako Surat-o, U-23 me·asa dolrangni Col. CK Nayudu Trophy na Cricket kal·anio, Meghalaya dolrang 51 runrangchi brigipa sal aro bon·kamgipa innings ko kal·anio Manipur dolrangni kosako chenagita man·aha.
Kal·ani bijangchio, Manipur dolrang Meghalaya baksa apsangrik ong·na dokpetpetanirangko dake kal·genchimoba Manish Sharma over 32 runrangko on·e wicket 6 ra·e over 31 over goaniko matchotataha. Manish skanggipa innings o 50 run rangko on·e wicket 6 ko ra·aha jeon kal·ani chu·gimiko 82 runrangko on·e wicket 12 ko ra·angahanina, Meghalaya Cricket Association ni President Nababrata Bhattacharjee uni nambee jotton ka·aniko parakataha.
Skanggipa innings o Manipur dolrang jotton ka·e kal·genchimoba chu·gimik wicket ko ga·akate 257 run rangkosan man·aiaha. Meghalaya dolrang chu·gimik 467 runrangko Kevin Christoper ni 155 runko doka baksana, changgittam half-century rangko Nishanta Chakraborty 66 run, Aman Kumar 65 run aro PM Santosh 51 run ko man·e on·angaha.
Gnigipa innings ko kal·anio Manipur dolrang Manish aro Abhishek Kumar ni nambee robol go·anichi neng·nikaniko man·angaha. Manish aro Ayan Borah ni sakgni robol goanichi Manipurni sakgni melie 70 aro 66 runrangko man·enganiko over 17 robol goanio wicket ra·nagita man·aha aro Manipur dolrang 159 run rangkosan man·rikaiaha. Meghalaya dolrang January 21 tariko, changgipin kal·aniko Nadiad, Gujarat o Mizoram baksa kal·angskagen.
