Da·al pringni bako gital oprake on∙gimin Pa Togan Nengminza Athletic stadium-o nape adita katchakram biapko nosto ka·anganiko nikna man∙angaha. Je mandean ia kamko ka·ahachim uko pulisrang rim·nagita man·aha aro uni kosako niamgita dakna nanggnirangko dakangenga ine koborko man∙soaha.
Sorkarini gamrangko nosto ka·agenchimode ua mandeko sasti on·ani niam donga maina songsalni gamrangko nosto ka·aniara manderangni namgnina kam ka·aniko aro kal∙susaanirango tang∙doaniko nosto ka·anian ong·a. Turani Pa Togan Nengminza Athletic stadium kal∙chakram a∙jani kal∙susagiparangna ge∙sa rika cho·ani nambatsranggipa ong·a jeon Tura songjinmani Chatro chatrirang aro chadamberangna kal∙susaani a·bao gisik nangbatatna man·rikgnigipa gam ong·a. Iasan ong·igija ia stadium a·dokni pagitcham matgrikna mande ra∙e tarigipaba ong·a.
Wil·wilao songdongenggiparangko mikrake dongchina aro ia ong·gijagipa kamrangko nikgenchim ong·ode u·iatchina didiangaha maina ia gitalgipa kal∙chakramko rikani miksoanganiara manderangko aro songsalko ra∙donagita ong·a.
