Re·baenggipa Lok Sabha election o Tura constituency o susanagita, All India Congress Committee (AICC) ni dilgiparang, Saleng Sangma ni bimungko mingangaha. Unbaksana Shillong constituency o susanagita, da·o ong·genggipa MP Vincent Pala ni bimungko minge central election committee ni ra·chakaniko man·agita uamangni lekka pancharangko watataha ine koborna parakataha.
Una agreba AICC screening committee ko jako ra·e dilnagita, Punjab Vidhan Sabha ni gitcham Speaker Rana KP Singh ko Chairman songangaha.
