Khelo India Youth Games 2023 na da·al salni bako Chennai a·doko bon·kamgipa kal·anio, Meghalaya robol kal·gipa dolrang baksa Punjab dolrang bil·tinggrike kal·angaha jeon Meghalaya dol goal 2 chi chenagita man·angaha. Meghalaya dolrang group nigita kal·na a·bachengaoni changsaba amatako man·bagija bon·kamgipa kal·aniona kingking chegipa ong·baaha.
Punjab baksa ga·subee kal·anio, Meghalaya dolna Badondor Marbaniang goal 2 ko chipe on·aha aro Colinsalmon Lyngdoh ni Captain ong·e dilanichi kal·a a·bachengaonin bon·kamaona dol gimikni chu·sokanio namen dakchakaniko on·angaha. Group A o ga·ake Meghalaya dolrang league match kal·anio Punjab, Tamil Nadu aro Uttar Pradesh dolrang baksa mikkangchake kal·bae, semi-final ona sokdoe dongsonagita man·aha jeon Uttar Pradesh baksa 4-1, Punjab baksa kal·anio 2-1 aro Tamil Nadu baksa kal·anioba 2-1 goal rangchi chebaaha.
Meghalaya dolrangni cheanio bako ong·giparangara Head Coach aro CDM Jeffrey Walarphi, Coach Beneslaus Khyriem aro Manager Andy Lyngdoh Nongpiur ong·a jemangni chu·gimik bakrime skie on·anichi a·songni gadango nambee chenagita man·angaha.
