Re∙baenggipa Lok Sabha election na susaanio Congress ni MLA aro MP candidate Saleng A Sangma ni kosako NPP dolrangni agangimin kattarangna maming dakeba una neng∙nikaniko ra∙bajawa ine aganchakatskaha. Congress party ni Tura parliamentary biapna candidate seokaniko parakujaoba Sangma MPCC nigita Tura MP ni biapo susana gita Saleng A Sangma ni bimungko AICC na watataha ine batanggimin somoio MPCC nigita parakataha.
Election susaanio darangba agansona gita manja, maina pu·ongiparangsa seokaniko dakan baksana dilgipako seokanio uamang chanchina changgiparang ong∙a aro ru∙utbea somoioni manderang an∙tangtangko tarisamsoenga ine Sangma aganangaha. Electiona tarisamsoani bidingo singon, batanggimin somoirango education, health, agriculture aro dingtang dingtang kamrangni bidingo sing∙doanirangko aro ku∙rangko on∙ronga, unbaksana Assembly session ong∙ani somoirango bang∙a kamrangni bidingo sing∙ani aro jera ra∙anirangko dakangaha ine Sangma aganangaha.
