February 1 tariko West Garo Hills ni Raksamgre jolo NGCO, AYWO aro GHADC Forest department baksa apsan bakrime dam gittam biaprango niamgri bolrangko cha·usruke bol mill ko kulie ra·tenggiparangko am·sandie rimnagita man·aha. Ia dam gittam niamgri bol millko chalaienggiparangara Dingbangching songo damsa aro Galapara songo damgni ong·a.
Ia kamrangni bidingo uamang batanggimin bilsirangonin a·dokni a·palchina badingsrukatanirangko nike rakken beng·anirangko dakangaha ine janapanagaha. Uni kosakon apsan kamrangko dakangkuenganina, uamanga name am·sandianiko dake ia dam gittam niamgri bol millrangko kulie chalaienggiparangko rim·na nangao ga·akaha.
