Da·al salni bako Ampati a·jani DRDA Conference Hall-o Maternal Death Review (MDR) aro Child Death Review (CDR) ba ma·giparangni aro bi∙sa bakgitchakrangni janggitangani bidingo namdapatna sanna bannanio nangchomotgipa kamrangni bidingo tom·e nipiltaianiko dakangaha. Ia tom·anio Dr. Noreen Sangma Intensified Pulse Polio Immunization (IPPI) ni bidingo agantalate on·angaha. Apsan daken Maternal & Child Health (MCH) ni In-charge a∙jao an∙o donggipa aro bi∙sa bakgitchakrangni janggitangani bidingo nangchomotgipa chanchianirangkoba nambate nipilanganiko dakangaha. Una agreba ia tom·anio Integrated Child Development Service (ICDS) programrang jekai Infant Protection Act (IPA) aro Pradhan Mantri Aarogya Bharat Health Infrastructure Mission (PMABHIM) rangni namgnirangko man·a amani bidingoba talate on·angaha.
Ia tom∙aniko SWGH a·jani Deputy Commission R P Marak dilangaha aro tom·anio Medical & Health Officer rang, Zikzak aro Betasing ni Block Development Officer rang, District Education ni Officer in-charge T Marak, Child Development ni Project Officer T K. Marak aro District Social Welfare Officer Z R. Marak dongpae bakko ra·angaha.
Ia tom∙anio sakantian sanna bannani a∙bao namdapaniko ra∙bana aro an∙tangtangko an∙seng baljoke rakkina man∙agita dingtang dingtang agankupattianirangko on∙angaha.
