Sub-Divisional School Education Officer aro PM Poshan-nigita South Garo Hills aro West Garo a∙jarango skulo song·e chane on∙gipa aro kamrangko dakchake on∙enggiparangna salsanana skie on∙aniko dakangenga. Ia workshopko salgittamni gisepo Block ge·prako February 12 oni 15 tarikona ong·atnagita tik ka·angaha aro janapgimin a·jarangni blockni ning·o donggipa skulrango song·gipa changipa aro dangdike on∙enggiparangko dongpae bakko ra∙chinagitaba didiangaha.
Ia programni miksonganiara, skulrango song·gipa changgipa aro dangdike on∙enggiparangko uamangni chatro chatrirangna nambate song·e chane on∙a man·agita skie on·angenga. Ia skie on∙anirangara song·a chananio an∙tangtangko rongtal an·tale rakkiani, namgipa cha∙a ringaniko dangdik sachie on∙ani, jolo man·gipa bosturangko bijako sikchapani, babilsi sepango me·su baganko dakani gamchatani, tiffinrangko rongtale jakkalna aro rongtale cha·na ringnagita nangani bidingrango skie on·aniko dakangenga.
