Rashtriya Bal Swasthya Karyakram (RBSK) ko a·bachengaoni bilsi 10 gapaniko maniangan baksana dingtang dingtang line department rangming bakrime convergence meeting ko North Garo Hills a∙jani Mendipathar Multipurpose Co-operative Society Hall o ong·angtangaha. Ia tom·anio a·jani Deputy Commissioner AK Singh dongpae bakko ra·angaha.
Ministry of Health & Family Welfare ia programko National Health Mission-ni ning·o bi·sarangni be·en bimangko porikka ra·e senggnang simsakaniko aro sanna bannaniko daknagita a·bachengataha. Ia programni ning·o bi·sarangni be·en bimangrangni name dal·aniko aro an∙seng baljokaniko bilsi 18 ona kingking tangka paisa nanggija, dingtang dingtang sabisirangoniko naljokate niroke dakchakani ong·a.
Indakgipa kamrangko ka·nagita namen rakbeani ong·genchimoba namgipa ja·kurangko de·e kamko ka·nagita RBSK nigta miksonganirang gnange chu·soknagita man·angenga jedakode bi·sarangni be·en bimangko man·a dipet senggnang sanna bannaniko dake sabisirangoniko aro neng·nikanirangoniko naljokatna dakchakanggen.
