Meghalaya a·dokni 100 Battalion BSF dolrang Dalu, West Garo Hills o da·alo Civic Action Programme ko ong·atanga. Ia tom·aniko 100 Bn BSF ni Commandant Ajay Kumar Tiwari mongsonggipa ong·e dilangaha jeon Marathon race ko ong·atanio bang·a sima ari jolo donggipa chatro chatrirang bakko ra·angtokaha. Ia marathon ko chadamberangni janggi tanganio name an·seng baljokaniko rakkie dongnagita miksonhe ong·atangaha.
Ia marathon o chegipa chadamberangna cycle aro sports ni dingtang dingtang bosturangko sualaniko dakangaha. Chatro chatrirangna BSF dolrangni indakgipa dakchakaniko on·anina aro an·seng baljokaniko rakkina didianina songni sordar aro manderang uamangni mittelpilskaaniko janapangaha.
