Da·al salni bako Chokpot jolo donggipa Budugre songo ro·ong bikotgipa Quarry ni nokgipa Alpha D. Marak aro uni ning·o kam ka·giparangko ro·ong bikotaniko dongtongchinagita Chokpot Unit ni Garo Students Union (GSU) bon·kame u·iataniko dakangaha.
Ia quarry, Dareng chiringoni meter 60 mang chel·ao aro Jetra ramaoniba sepangani a·selo ua jolo songdongenggipa manderangna namen neng·nikani ong·enga ine janapataha. Batanggimin salrango indake drae ro·ong bikotaniko dontongchinagita beng·manahaoba da·ona kingkingba manigija bikotaniko dakangkuenga ine u·inagita man·aha. Indakgipa obostani a·selo LNT kolko February 20 tarikna skang ra·galchinagita u·iatan baksana beng·ataniko manigija kamrangko ka·angkuode kolrangko nosto ka·e galnagita mikrakataniko dakangaha.
