Re·anggipa February 15 tariko South West Garo Hills, Ampatini Deputy Commissioner R P Marak ko Zikzak Regional Unit ni AHAM dolrang gronge jolni State Bank of India (SBI) o ATM ko kulie on·chinagita mol·molangaha. Jolni SBI ona songdongenggipa manderang an·tangtangni tangka paisarangko oknagita re·bagenchimoba, dangdike on·enggipa manderang chu·ongagita dongjani a·selo bang·a somoirangon tangkarangko man·angrongja ine uamang janapangaha.
Indake salantio tangkarangko okna re·baenggipa manderangara MGNREGA o kam ka·giparang aro budepa butchuma pensionko oknagita re·bagiparang adita neng·nikanirangko chagrongna nangronga ineba u·iatangaha. Ia pilak obostako nigrikate indakgipa neng·nikarangko olgrokatna man·agita, AHAM dolrang Zikzak SBI o ATM ko kulie on·pachina a·jani DC ko gronge mol·molaniko dakangaha ine Zikzak Regional Unit-ni Assistant General Secretary Sengmen D. Shira parakataha.
