Tura Sadar Division ni NFSA aro Non-NFSA ni ning·o man·a kragipa manderangna AAY, PHH aro Non-NFSA ni merongrangko February ja na Tura Urban jolo songdongenggiparangna chamatmanaha ine West Garo Hills ni Superintendent of Supply u·iatangaha.
Iani bidingo Tura Sadar Division ni ning·o ga·akgipa Fair Price Shop Dealer rangko sorkarini dongimin niamrango pangchake merongrangko sualatnagita ge·etangaha. AAY (card rimitgipa) ni ning·o japrako sakprakna Kg 35 aro PHH (card gitchakgipa) ni ning·o japrako sakprakna Kg 5 ko indin sualatnagita aganangaha. Unbaksana Non-NFSA (card tangsimgipa) ni ning·o, card ge·sana japrako Kg 7.105 ko Fair Price Shop Centre ni Price Vigilance Committee ni dongimin damrango palnagita ge·etangaha jean gong 13 na batnagita nangjawa ine u·iatangaha.
Je manderangan janapgimin bako ga·akgiparang sepangbatgipa Fair Price Shop oniko merongrangko ra·ena man·gen ine u·iatan baksana Fair Price Shop ni dealer rangkoba dongimin niamrango pangchake merongrangko sualatnagita ge·atangaha.
