Da·al salo Soil & Water Conservation Minister Marcuise Marak, Short Duration Discussion o aganchakengon, a·doko Jal Jeevan Mission (JJM) ko 2024 bilsio matchote kam ka·na tik ka·manaha ine aganangaha. Nokantiona, skulona aro anganwadi centre rangona chi pipe rangko sale on·a man·gita, PHE department JJM ni kamko somoigita matchotatna aro baikamgipa ong·e rakkina jotton ka·enga ine Marak parakangaha.
A·doko dam 6,470 songrangoni 2024 bilsio dam 6,51,412 nokrangona chirangko sale on·a miksongani gnang ine PHE Minister aganangaha. Da·o dipet dam 3,156 songrangona chirangko sale on·manangaha jeon 2,012 songrangko Har Ghar Jal ine segata dongaha ine Marak aganangaha. Da·alona kingking chirangko ge 4,84,927 nokrangona sale on·manaha jeon uarangoni ge 9,422 skulrangona aro ge 3,625 Anganwadi centre rangona matchotaha ine Marak parakangaha.
A·dok sorkari chu·gimik ge 4,060 water supply scheme rangko gong 6645.633 crore mangni tangkarangchi 6,03,048 nokrangona chi sokatna State Level Scheme Sanctioning Committee jako ra·e JJM ni ning·o 2019 oni 2023 bilsini February jaona matchotataha ine Marak agandapangaha.
