Gittamgipa salni Assembly Budget Session o Nongstoin ni MLA Gabriel Wahlang ni Smart Town ni bidingo sing·anirangko dakanina, Tura songjinmako Smart Town ong∙atnagita a∙dok sorkari gong 338 crore tangka paisarangko chamanaha ine a∙dokni Chief Minister Conrad K. Sangma aganchakangaha.
Aspan daken Nongstoin koba Smart Town ong∙atchinagita Wahlang ni janape agananina, sorkarinigita pilak a·jarangkon Smart Town ong∙atna chanchisamsoanirang gnang ine Sangma aganangaha. Iako aganengon, pilak kamrangko apsan somoio ba changsanode ka∙nagita sorkari amsokjanaba donga jekon ka·sinsinsa pilak a·jarangon sulsul kamrangko a∙bachengatanggen ine Sangma agandapangaha.
