National Highway 127B ramako dal·dape tarina Japan International Cooperation Agency (JICA) gong 15,561 million yen jean gong 877 crore mangni tangkarangko loan on·a India sorkari baksa tik ka·grikangaha. Ia ramarangko tarina Northeast Road Network Connectivity Improvement Project phase 7 ni ning·ao dingtang mancha Dhubri-Phulbari dollongoni Goeragre ona re·gipa ramako dal·dapate tarianggen.
Phulbarioni Goeragre ona 180 km mang chelgipa rama JICA ni dakchakenggipa ong·a jean Assam Srirampur ona najokate sima ari jolni Dalu songjinmaona sokbaa. Ia ramako tarimangenchimode kachapgipa a·songrang jekai Bhutan aro Bangladesh baksa mikkangchi bading chiwale cha·anio namen dakchakbeani ong·na bang·bata manderangan ka·dongsoenga.
Ia songgigrikaniko Economic Affair department ni Additional Secretary, Vikas Sheel, Ministry of Finance aro JICA India, Chief Representative Saito Mitsunori ni gisepo ka·angaha.
