Assembly session o Governorni agangipa kattarangni bidingo Chief Minister Conrad Sangma aganchakengon scientific mining ba namgipa cholrangko jakkale koela bikotaniko mikkangchi re·baenggipa financial 2024-2025 bilsioni a·bachengatgen ine aganangaha. Scientific miningko a·bachengatna miksonge tarisamsoanirang namen skangsoengaha ine Sangma agandapangaha.
Iako a·bachengatna bon·kamgipa environmental clearance aro manderangna u·iataniko sengenga jekon re·baenggipa 45-60 salrangni gisepo matchotna nangchongmota ine Sangma aganangaha. Mikkang financial bilsionide scientific miningko man·chongmotna nanga ine Sangma ka·dongani kattarangko assembly o aganangaha.
