Turaoni Guwahati aro Williamnagar najokgipa National Highway ko rama apchonbeani gimin apalataniko dake gital a·arangko jete tarienggipa ramarang da·si walni bako rang·gitik mikka wae sorok nom·ani a·selo ro·ongrangko salenggipa jrigipa garirangni naptome donganiko nikna man·aha. Indake ramao a·sel ong·ani gimin aro rama apchonani a·selo nanga kamrangna re·engggipa garirang ramatangtangko re·grikna man·jae da·si pringni bako ISBT aro NEHU Tura jolo chang·kete dongna nangaha.
Ia mongsonggipa rama dilsao garirangni chang·kete dongenganina mitam garirang jolni gittimrangni dingtang ramaranggita re·na jotton ka·ahaoba apsan daken ramarang apchonani a·selo re·grikna man·jae chang·kete dongna nangaiaha. Ia obosta ong·ani a·selo Tura Traffic Police dolrang re·ange nirokate re·rongbewalgita ong·ataina kamko ka·angaha.
