Tura songjinmao employment, labour aro skill development department-rangni ning·o ‘Skillerate Connect’ programko Meghalaya State Skill Development Society (MSSDS), Matchakolgre L.P skulni kal·chakram biapo da·aloni a·bachengataha.
Ia programo MSSDS Shillongni Closterfield Lyngdoh mongsonggipa sokgipa ong·e, MSSDS ni miksongani aro 2011 bilsioni kam ka·baanirangni bidingo talatangaha. MSSDS dingtangmancha a·doko Skill Meghalaya aro Sankalp ko nirokna State Nodal Agency ni bimingo ra·chakako man·gipa ong·a jekon a·dokni ge 12 a·jarango chalaienga ine Lyngdoh aganangaha. Skillerate Connect ko dingtangmancha dingtang dingtang gadango dake cha·enggiparangona sokatna aro uamangni changa sapaniko namdapatna miksongenggipa ong·a. Una agreba antidamrango pale sim·e an·tangtangni bilo pangchake dake cha·na ga·chataniko on·agita kamko ka·ani ong·a ineba Lyngdoh agandapangaha.
Ia programo nangani kri changgipa sapgipa kam ka·giparangko ma·sie ra·nagita a·doktangni, a·songtangni aro gipin a·songchini kam ka·gipa manderangkoba okamate tom·aniko ong·atenga ine Lyngdoh aganangaha. Ia salgnina ong·atenggipa programo dingtang dingtang scheme-nigita sapgipa chadamberangna kamrangko bikote on·a aro uamangni tarigimin bosturangko me·sokan baksana palnagita job fair-rangko ong·atangjolenga.
Ia somoio mongsonggipa sokgipa bosturangko palchakram a·damko oprakan baksana palenggipa dokan ni bosturangkoba niangjolaha. Ia program ona WGH ni Skill Development Officer, Sabina D. Sangma aro SWGH ni Skill Development Officer, Tengsilchi Ch. Sangma ba sokbae bakko ra·angaha.
