Bangladesh aro India a·songni sima ari jolni dingtang dingtang biaprango Seema Praharis-rang BSF Meghalaya Frontier ni ning·o Civic Action Program (CAP) ko February 26 tariko ong·atangaha. Ia programko BSF dolrang uamangni sima ari jolo donggipa manderangni namgnina dangdike on·aniko mesokna ong·atangaha.
Ia programko 1st Batallion BSF dolrang sima ari outpost Mahadeo-o ong·atangaha jeon BSF doctor rang medical camp ko ong·atange tangka nanggija be·enko porikka ra·e niangan baksana SGH ni Kanai, Galasora, Mahadeo, Patlaban, Durbeta aro Moheshkola songni manderangna samrangko suale on·angaha. Ia medical camp ko ong·atanichi sak 150 mang manderang namgniko man·angaha jeon programni bakgita ba·ra kogipa kolrang, stretcher, tarpaulin, table, chokki aro gipin bosturangko skulrangna aro songni manderangna sualangjolaha.
Minggipin Civic Action Programko 100 Bn BSF dolrang ong·atangaha jeon sports-ni aro noko jakkalgipa bosturangko Jatrakona aro Nagrajora songni manderangna sualangskaaha. Ia programo bang·a Nokma, Secretary, skulo skigiparang, chatro chatrirang aro wilwalo donggipa songni manderangni gisiko nangbee bak ra·aniko nikangaha.
