Tura Endenbari Soragre songni Ma Noringchi Ch. Marak uni depante sakgni baksa Tura Super Market-ona skul juta, Uniform aro bag rangko ra·e on·a February 17 tariko re·angaonin da·alona kingkingba nokona sokbachipgija gimae dongenga ine koborna parakataha.
Gimaenggipa ma·gipa bilsi 32 ong·gipa Ma Noringchi Ch. Marakni segipako Dikseng A. Sangma minga jean uni jikgipa aro dedrangni gimaani bidingo agane u·iataniko dakataha. Ma·gipa baksa gimaenggipa me·a bi·sarangni bimingko Salgado Ch. Marak bilsi 9, Algarik Ch. Marak Bilsi 7 ong·aha ine u·iataha.
Uamang ma·ningsa sakgittamni bidingo saoba banobarang nikgenchimode ia mobile number 84719 48197 ona call ka·e u·iatgenchimode tangka gong 10,000 ko mittelpilskaanigita on·gen ine segipa parakataha. Indakgipa obostarang ong·engon uamangni ma·ningsa sakgittamni gimaani koborko manderangona sokate u·iatpachina sakantikon mol·molataha.
