Re·baenggipa March ni 5 tariko jabolrangko sale galgipa e-vehicle ba petrol aro diesel chi chalaigijagipa garirangko PHE department ni Mission Director Office Swachh Bharat Mission (Gramin) nigita Baljek Airport Jengjal o sualanggen ine parakataha. Ia programko pring 10:30 bajimango a·bachengatna tik ka·angaha jeon a·dokni Speaker Thomas A. Sangma mongsonggipa ong·e sokbaenga, unbaksana PHE Minister Marcuise N. Marak aro MP Agatha Sangma dongpae bakko ra·angnasienga.
Ia programo jabolrangko sale galna gita bol 101 garirangko East Garo Hills, West Garo Hills, South West Garo Hills, South Garo Hills aro North Garo Hills a·jarangna on·anggen.
