DIET Resubelpara, North Garo Hills-nigita head teacher rangna maikai skul bi∙sarangna nambate skie on∙a man∙agita re∙anggipa February 27 oni 29 tarikona training programko ong∙atangaha. Ia programo dingtangmancha bi∙sarangna ku∙sikrangko skie ra∙na aro skigiparangni class o skie on∙aniko nambatatna miksonge ong∙atangaha.
Ia training programo chu∙gimik sak 40 head teacher rangna skie on·a miksonge ong·ataoni sak 32 skigiparang sokbae bakko ra∙angtokaha. Mikkangchi skie on∙anirango nambatatna, skulni assistant teacher rangko nambate re∙dilna aro nanggipa niamrangko ja∙rike bi∙sarangna skianiko namdapatnagita ia programni mongsonggipa miksonganirang ong∙a.
