Da∙al salo Baghmara songjinmani Captain Williamson Memorial Government College ko Chief Minister Conrad K. Sangma nokdonggae on∙angaha. Ia nokdonggaaniona Education Minister Rakkam Sangma, sorkarini Chief Advisor Lahkmen Rymbui aro gipin dilgiparangba sokbae bakko ra∙angtokaha.
Ia College buildingko riknagita sorkari gong crore 8.52 ko jakkalangaha aro me∙asa aro me∙chikrangna hostelko riknagita gong crore 1.20 tangkarangko jakkalangskaaha ine Sangma u∙iatangaha.
Ia College ko rikanian a∙dokni Education department ko namdapatna aro dal∙dapatna rika cho∙anirangko tang∙doatna sorkarini kam ka∙aniko mesoka ine Sangma aganangaha. Unbaksana ia kamrangni bidingo P A. Sangma sagini 2008 bilsio niksamsoaniko janapangan baksana uni siani bilsi 8 gapanio ia College ko nokdonggae on∙a man∙aninaba CM uni katchaaniko aganangaha.
