CUET porikkana tarisamsona DBC ni final year ni chatro chatrirangko porikka ra∙e nianga

Re∙baenggipa Common University Entrance Test (CUET) porikkana tarisamsoe, porikka seanio altubatatnagita Don Bosco College-o final year ko poraienggipa chatro chatrirangna porikka ra∙e nianiko dakangaha. Ia porikka ra∙e nianiko College ni CUET ni Nodal Officer, Dr. Colnat B. Marak aro gipin skigiparang dakdilangaha.

Iako dakaniara chatro chatrirangna CUET porikkani bidingo name talbate ma·sie ra∙na man∙agita skie on∙a aro porikkao name chu∙sokgipa ong∙chinagita ong∙atangaha. Unbaksana CUET porikkao dingtang dingtang sing·anirang rakbee sokgenchimoba chatro chatrirangko name tarisamsoe chu∙sokgipa ong∙na bang∙a skie on∙anirangko dakangaha.