Bilsi 15 ni ning·o ong·gipa me·chikrangna aro bilsi 16 ni ning·o ong·gipa me·asarangna 2024-25 bilsio kal·nagita BCCI ni bilsi dongimin niamo pangchake se·okako man·giparangna skie on·an baksana chubata gadango kal·na seokaniko dakna am·enganiko Meghalaya Cricket Association (MCA) u·iatangaha.
Ia skie on·ani aro seokanio bak ra·na BCCI ni dongimin niamogita U-15 me·chik dolo seokako man·a 1/09/2009 oni 31/08/2021 bilsini gisepo atchigiparang ong·na nanggen aro U-15 me·asa dolo seokako man·agita 1/09/2008 oni 31/08/2010 bilsini gisepo atchigiparang ong·skana nanggen. Unbaksana niamrango pangchake bilsini gadango nambate kal·giparangko seoke uamangni bimingrang baksana nanggipa lekka pancharangkoba on·atchina MCA janapataha.
Ia baseanio ge·sa level O ba kragipa skigipako se·okani camp-o dakdilnagita dongna nanggen aro maibakai coach saksaba dongjagenchimode skinagita dakchakgipa dolna janapatna man·gen ineba u·iatangaha. Bang·bata kal·susagiparang porikkarang ong·engani gimin coaching cum selection campko re·baenggipa March 23 aro 24, 2024 tarikrango ba March 30 aro 31 tarikrango ong·atna tik ka·angaha. Ian skanggipa seokani gadang ong·gen aro minggipin gadangni seokaniko somoirangko nigrike u·iatanggen ineba MCA janapataha.
