A·dokni palo Boxing kal·susaangnagita Meghalaya Boxing Association (MBA) chu·gimik sak 30 boxer-rangko seokangaha jeon uamang 3 gipa North East Games ko Nagaland a·doko aro 3 gipa Sub-Junior National Championship-ko Uttar Pradesh a·dokni Noida biapo ia jani gisepo kal·susaanggen.
Uamangoni sak 16 susanasigiparangara March 18 oni 23 tarikona North East Games, Nagaland-o kal·anggen aro gipin sak 14 susanasigiparang apsan tarikoni Uttar Pradesh a·dokona Sub-Junior National Championship-o kal·nagita re·angskagen. Ia dam gni a·doko kal·susaanirango bakko ra·nasigiparangko February 29 tariko seokaniko dakangaha ine u·iatangaha.
Nagaland a·doko susanagita sak 10 me·asa dolrangoni seokako man·giparangara Sanjeev Maskut, Khrawbok Marwein Banjop Nongkhliaw, Sunil Limbu, Ram Lyngdoh, Badonkupar Synnah, Bhalang Shadap, Balnas Sangma, Malcolm Rani, Bansaltesh R. Sangma aro sak 6 me·chik dolni seokako man·giparangara Veronica Sohshang, Shreena Thapa, Mellina Basaiawmoit, Banisha Makri, Reetika Sarki, Rishisha Lyngdoh ong·a jemangkon sak 3 officialrang Coach Larry Kharpran, Assistant Coach Jimmy B Shadap aro Manager Dondor Marwein re·angchape dilanggen.
Apsan daken Uttar Pradesh a·dokona susanagita sak 7 me·asa dolo seokako man·giparangara Arki Manbha Ramen, Kyrshan Swer, Ethaniel Nongkhlaw, Karan Sunar, Banrapkupar Syiem, Lewanki Pakma, Disrang Sangma aro sak 7 me·chik dolni seokako man·giparangara Naphisakmen Sohtun, Iasawanbiang Nongsiej, Badahun Syiemiong, Dolcy Diengdoh, Deiti Lunia Sun, Dahunshisha Kharkongor, Priyanka Thapa ong·a jemangakon sak 5 officialrang Pynskhem L Nonglait, Batiplang Nongkhlaw, Balamphang Nongkhlaw, Uranus Kharsati aro referee-judge ong·e Daniel W Marbaniang dilangnagita tik ka·angaha.