Education Minister Rakkam A. Sangma, SSA skigiparangni kamko regularize ka·na a·dok sorkari tangka paisanigita bang·a neng·nikanirangko man·enga ine aganangaha. Iako dakgenchimode sorkari bilsio gong 200 oni 300 crore tangka paisarangko jakkaldapna nangao ga·akgen ine Sangma parakangaha. Indake ong·genchimoba uamangni nanganiko chu·sokatna SSA skigiparangnasan ong·aigija Ad-hoc o ka·enggiparangnaba sorkari cholrangko sandiangenga ine Sangma agandapangaha.
Unbaksana sorkarini jako ra·enggipa skulrango aro collegerango fee rangko ra·anikoba nipiltaina miksonganiko Sangma u·iatangaha. Ia ja·kuko dingtang dingtang skulrango aro college rango fee rangko apsan ra·gijaniko nike dakna miksongenga ine Sangma agandapangaha.
