Garo Hills o gimaangenggipa matburingrangoni balgitchak bipa mangsako goe so·ote galanina mande saksako SWGH Mukdangra sepang jolni New Harigaon buringoniko Wildlife Departmentni manderang rim·aha. Ua mandeni an·tang pakkreo so·otgimin balgitchak ko ripegipa photo social mediarango giproroatanichi dosiko dakgipa bilsi 52 ong·gipa Sukumar Rema jean New Harigaon, Garobadha songoniko ta·raken rim·nagita man·angaha.
Ia balgitchakni be·enko cha·na buringoniko sikar ka·e so·otanio gipin bako donggiparangkoba sandirikitaniko dakangkuenga ine Wildlife Department nigita u·iatangaha.
