2024 ni World Water Day ko maniani bakgita re∙baenggipa March 16 tariko Matchakolgre LP Skul kal∙chakram biaponi Ballonggre kal∙chakram biapona 10k Marathon Run ko ong∙atanggen. Ia marathon ko West Garo Hills ni Public Health Engineering Department ong∙atangenga jekon pring 5 bajioni registration ko ka∙e pring 6 bajioni katsusuaaniko a∙bachengatanggen ine u∙iatangaha.
Skanggipa biapo chegipana gong 7000, gnigipana gong 5000 aro gittamgipana gong 3000 tangkarangko boksis on∙angna tik ka∙angaha. Una agreba bilsi 50 ba una batgipa aro bilsi 12 ba una komigiparangoni sakgittam matchote katgiparangna gong 1000 koba on∙anggen.
