Election changantio dakrongbaagita da·al salo North Garo Hills ni Adokgre Chenanggre kal·chakram biapo re·baenggipa Lok Sabha election-na NPP dolrang dal·begipa tom·aniko ong·ate campaign ka·aniko a·bachengata. Ia kal·chakramo chengonin P. A. Sangma sagi, election-na kamrangko ka·na skang tom·aniko ong·atrongbae cheaniko man·baronga ine bebe ra·ani gnang.
Apsandaken da·o re·baenggipa LS election o NPP doloni Turao Agatha Sangma aro Shillongo Dr. Ampareen Lyngdoh susaanio cheaniko ra·bana P A. Sangmani dakbaaniko ja·rike tom·aniko ong·atangaha. Batanggipa 2023 bilsini state assembly election-oba apsan biapon tom·e election-ni kamrangna re·mikangangaha.
NPP ni ia dal·begipa tom·aniona NPP National President Conrad Sangma, NPP National Secretary James Sangma, NPP State Working President Prestone Tyngsong, Rajya Sabha MP Dr. W R. Kharluki, Speaker Thomas A. Sangma, Deputy Speaker Timothy Shira, MLA, MDC rang, susanasienggipa Agatha Sangma aro Dr. Ampareen Lyngdoh bakko ra·angtokaha.
