Minga A∙chikkuchi, biming na∙kam bitchi
Nikon sraa ku∙chi, sikon do∙o bitchi!
Al·lik bang∙e sikon, na∙kam ronggra on∙on,
Kaisim tape nion, soda nange puon.
Cha∙e nion kam-cheng, sikejaan e∙ching,
Mosa tape nicheng, name sre otcheng,
Nio chi bongbanga, cha∙atode kalbonga,
Skang atchu-ambirang uchin’ okmang rakanga.
A∙chikrangni bijaka na∙kam gride melija,
Na∙kam bitchi cha∙jaode mande brimankuja,
Toabata kobina, nangni alu bajina,
Na∙kam bijak cha∙gipan bilakade batana.
Jonggipade me∙chengna, dakanggipa sumitcheng,
Grigipa e∙ching biret, su∙gipade a∙ban’ panet.
