Tura Swimming Association (TSA), songjinmao songdongenggipa manderangna Rongkhon o Swimming Pool donggipako knal pring 8 bajioni kulie on∙anggen ine TSA ni Vice President Sengrak D. Marak parakataha.
Battanggimin Meghalaya Games 2024 o chi jrosusaanio Garo Hills ni A∙chik chadamberangni gisepo bak ra∙giparang bilonggen komiaha aro chegiparangba dongjaha. Iarangko nike mikkangchi jrosusaani a∙damo A∙chik bi∙sarangna nambata cholko on∙e aro bak ra∙nagita didianiko on∙a ia swimming pool ko a∙bachengatna ja∙ku de∙aniba ong∙a ine Marak agnangaha.
