2024 bilsini Lok Sabha election na ge 543 constituency rangna ge 7 phase rangni ning·o April 19 tarikoni a·bachengate June jani 1 tariko matchotatnagita da·al salni bako Election Commision of India parakataha. Unbaksana pilak phase rango pu·onanirangko matchotani ja·mano June jani 4 tariko result rangko parakatnagita tik ka·angskaaha.
Skanggipa phase o pu·onaniko April 19 tariko, gnigipa phase ko April 26 tariko, gittamgipa phase ko May 7 tariko, brigipa phase ko May 13 tariko, bongagipa phase ko May 20 tariko, dokgipa phase ko May 25 aro snigipa phase ko June 1 tariko pu·onanirangko daknagita tik ka·angaha.
Meghalaya a·dok skanggipa phase o ga·ake, LS election na pu·onani April jani 19 tariko ong·anggen jeon nomination file ka·na bon·kamgipa tarik March 27 ong·gen aro susanasienggiparangko ra·galpilnagita bon·kamgipa tarik March 30 ko tik ka·angaha.