Sankardev College Shillong aro Institute of Plasma Research, Department of Atomic Energy, Government of India baksa ku·monge salbongani exhibition “The Fourth State Plasma Exhibition” ine katta bichongko done March 11 tarikoni a·bachengate March 15 tariko ‘Valedictory Function’ ko matchotatangaha.
D. P. Wahlang, IAS, Chief Secretary, Government of Meghalaya tom·anio mongsonggipa sokgipa ong·e bakko ra·angaha. Uni agananio ua Collegeni indakgipa nangchongmotgipa programko dakachi science aro plasma scienceni gimin gisiko nangataniko ong·atna jotton ka·anina mittelangaha. Una agreba ua Collegeko Scientific Outreach Programo pangchake IPR, Gandhinagar aro CPP Guwahati baksa ku·monge ia programko ong·atanganinaba namen mittelangaha.
Dr. Eureka F. P. Lyngdoh, Collegeni Principal rimchaksoani kattarangko aganangaha. Dr. A. V. Ravi Kumar, Scientific Officer, Head Outreach Division, IPR, Gandhinagar exhibitionko ong·atani chu·gimik miksonganiko agan-talate on·angaha. Shri M. S. Warjri, IQAC Coordinator mittelpilskaani kattarangko aganangskaaha.
Syed Md. A. Razi, IRTS, Commissioner aro Secretary, Education Department baksa College Governing Body ni President, memberrang aro okamako man·giparang tom·anio bakko ra·angaha.
Ia sal bongana kingking ong·atgipa programo sak 1500 chatro- chatrirangni jean dingtang dingtang skul, college, NEHU, NIT aro Research Scholarrang re·bae bakko ra·anganiko nikangna gita man·aha.
